Skip to main content













ജൂലായ് 19 കോഴിക്കോട് അബ്ദുല്‍ ഖാദറിന്റെ തൊണ്ണൂറ്റി അഞ്ചാം ജന്മദിനമാണ്

മലയാളിയടെ ഹൃദയത്തില്‍ മധുരമായ, വേദന നിറഞ്ഞ ഗാനങ്ങള്‍ സമ്മാനിച്ച കോഴിക്കോട് അബ്ദുല്‍ ഖാദറിനെക്കുറിച്ചുള്ള നടന്‍ മാമുക്കോയയുടെ ഓര്‍മ

മാനാഞ്ചിറ മൈതാനിയില്‍ കെ ടി മുഹമ്മദിന്റെ നാടകം 'ചുവന്ന ഘടികാരം' കളിക്കുന്നു. അതിനോടനുബന്ധിച്ച് കോഴിക്കോട് അബ്ദുല്‍ ഖാദര്‍, ബാബുരാജ്, ശാന്താദേവി എന്നിവരുടെ ഗാനമേള ഉണ്ട്. കമ്യൂണിസ്റ്റ് പാര്‍ട്ടിയുടെ സമ്മേളനമാണ്. അന്ന് ജനങ്ങളെ ആകര്‍ഷിക്കാന്‍ പാര്‍ട്ടി സമ്മേളനത്തിന്റെ കൂടെ നാടകവും ഗാനമേളയുമൊക്കെ ഉണ്ടാവുക പതിവാണ്. അന്നാണ് ഖാദര്‍ക്കയെ ഞാന്‍ ആദ്യമായി കാണുന്നത്. വളരെ ദൂരെ നിന്ന്. വെളുത്ത് മെലിഞ്ഞ് ഒരു സുന്ദരമായ രൂപം. പിന്നെ അടുത്ത് നിന്ന് കണ്ടു. പരിചയപ്പെട്ടു. നല്ല സൗഹൃദമായി.


കോഴിക്കോട്ടെ ഞങ്ങളുടെ പ്രധാന കേന്ദ്രം വാസുപ്രദീപിന്റെ പ്രദീപ് ആര്‍ട്‌സ് ആയിരുന്നു. വര്‍ഷം 1972. എന്റെ കല്യാണം നിശ്ചയിച്ചിട്ടുണ്ട്. കത്ത് അടിക്കാന്‍ കാശില്ല. ഞാന്‍ ആ കാര്യം വാസുവേട്ടനോട് പറഞ്ഞു. അദ്ദേഹം കത്തെഴുതി തന്നു. ആദ്യത്തെ കത്ത് തന്നെ ഖാദര്‍ക്കയ്ക്ക് കൊടുത്തു. ഞാന്‍, വാസുവേട്ടന്‍, കവി മാഷ് എന്നിവര്‍ എല്ലാവരും കൂടിയാണ് അദ്ദേഹത്തെ ക്ഷണിക്കാന്‍ പോയത്. ഞാന്‍ ഖാദര്‍ക്കയോട് പറഞ്ഞു: 'എനിക്ക് വാപ്പ ഇല്ല. ഖാദര്‍ക്ക കല്യാണവീട്ടില്‍ വന്ന് വാപ്പയുടെ സ്ഥാനം അലങ്കരിച്ച് ഇരിക്കണം.' അദ്ദേഹം കല്യാണത്തിന് വന്നു. കല്യാണത്തോടനുബന്ധിച്ച് കുട്ടികളുടെ ഗാനമേള ഉണ്ടായിരുന്നു. ഖാദര്‍ക്ക അവശനായിരുന്നു. നല്ല സുഖമില്ല. ഖാദര്‍ക്ക പാടേണ്ട എന്ന് ഞാന്‍ പറഞ്ഞു. എന്നിട്ടും ആവേശം വന്നപ്പോള്‍ അദ്ദേഹം സ്റ്റേജില്‍ കയറി പാടി. രണ്ടുവരി മാത്രമേ പാടാന്‍ കഴിഞ്ഞുള്ളൂ.

അക്കാലത്ത് കലാകാരന്‍മാരുടെ സ്ഥിതി കഷ്ടമാണ്. ആരും സാമ്പത്തികമായി നല്ല സ്ഥിതിയിലായിരുന്നില്ല. പക്ഷേ, സ്‌നേഹവും സൗഹൃദവും വേണ്ടുവോളം ഉണ്ടായിരുന്നു. വൈകുന്നേരങ്ങളില്‍ പ്രദീപ് ആര്‍ട്‌സ്, സൈതുമുഹമ്മദിന്റെ ലിറിക്‌സ് കോര്‍ണര്‍ (സിനിമാ പാട്ട് പുസ്തക കട) ആഹ്വാന്‍ സെബാസ്റ്റ്യന്റെ മ്യൂസിക്കല്‍ തിയേറ്റേഴ്‌സ്, എ കെ പുതിയങ്ങാടിയുടെ യുണൈറ്റഡ് ഡ്രമാറ്റിക് അക്കാദമി എന്നിവയായിരുന്നു കലാകാരന്‍മാരുടെ പ്രധാന താവളങ്ങള്‍. വൈകുന്നേരം ആകുമ്പോഴേക്കും എല്ലാവരും എത്തും. പിന്നെ ചര്‍ച്ചയാണ്. സംഗീതത്തെപ്പറ്റി, വായിച്ച പുസ്തകങ്ങളെ പറ്റി അങ്ങനെ പലതും. അന്ന് വലുപ്പച്ചെറുപ്പം ഇല്ലായിരുന്നു. എസ് കെ പൊറ്റക്കാടും കെ എ കൊടുങ്ങല്ലൂരും തുടങ്ങി ഞാനും വടേരി ഹസ്സനും വരെ സംഘത്തില്‍ ഉണ്ടാവും. ഞങ്ങളൊന്നും സാഹിത്യകാരന്‍മാരായിരുന്നില്ല.

ഖാദര്‍ക്കയ്ക്ക് സംഗീതഉപകരണങ്ങള്‍ വായിക്കാന്‍ അറിയില്ലായിരുന്നെങ്കിലും സ്റ്റേജില്‍ ഏതെങ്കിലും ഉപകരണത്തില്‍ അപശ്രുതി വന്നാല്‍ അവ കൃത്യമായി മനസ്സിലാവുമായിരുന്നു. ഉദാഹരണമായി അഞ്ച് വയലിന്‍ ഉണ്ടെങ്കില്‍, മൂന്നാമത്തെ ആളാണ് തെറ്റിച്ചതെങ്കില്‍ അയാളെ തന്നെ തുറിച്ചുനോക്കുമായിരുന്നു. അത്രയും സൂക്ഷ്മത ഉണ്ടായിരുന്നു അദ്ദേഹത്തിന്.
മൂന്ന് മതത്തിലും വേരുകളുള്ള ഒരു അപൂര്‍വ മനുഷ്യനായിരുന്നു ഖാദര്‍ക്ക. ലെസ്‌ലി ആന്‍ഡ്രൂസ് മതം മാറിയാണല്ലോ കോഴിക്കോട് അബ്ദുല്‍ ഖാദറായത്. അദ്ദേഹത്തിന്റെ ബന്ധുക്കള്‍ എല്ലാം ക്രിസ്ത്യാനികള്‍ ആയിരുന്നു. മറ്റൊരു ഭാര്യയായ ശാന്താദേവിയും മകന്‍ സത്യജിത്തും ഹിന്ദുവായിരുന്നു. ഖാദര്‍ക്ക മുസ്‌ലിമായിട്ടാണ് മരിച്ചത്. മയ്യത്തു കൊണ്ടു പോവുമ്പോള്‍ ഈ മൂന്ന് സമുദായക്കാരും കൂടെ പോയിരുന്നു. ഞാന്‍ ആലോചിച്ചു. ഇത്രയും മതസൗഹാര്‍ദം പ്രയോഗത്തില്‍കാണിച്ചു തന്ന മനുഷ്യന്‍ ഖാദര്‍ക്കയല്ലാതെ മറ്റാരാണ്?

Comments

Popular posts from this blog

മെഹ്ഫിലുകളുടെ സായാഹ്നങ്ങള്‍ (ഓര്‍മ കുറിപ്പ് ) നജ്മല്‍ ബാബു / അഭിമുഖം 1962ല്‍ ടൗണ്‍ഹാളില്‍ നടന്ന പരിപാടി ഇപ്പോഴും എന്റെ ഓര്‍മയിലുണ്ട്. നിറഞ്ഞ സദസ്സ്. കോഴിക്കോട് അബ്ദുല്‍ ഖാദറിന്റെ പാട്ട് കേള്‍ക്കാന്‍ ആകാംക്ഷയോടെ ഇരിക്കുന്ന സംഗീതപ്രേമികള്‍. 'പാടാനോര്‍ത്തൊരു മധുരിതഗാനം...' ഡാഡ പാടിക്കഴിഞ്ഞപ്പോള്‍ നിലയ്ക്കാത്ത കരഘോഷം. അന്ന് ആ പാട്ട് വളരെ പോപ്പുലറായി. നാല് പതിറ്റാണ്ട് കഴിഞ്ഞിട്ടും ഇപ്പോഴും അതിന്റെ ജനപ്രിയതക്ക് കുറവ് വന്നിട്ടില്ല എന്നതിന്റെ തെളിവാണ് എന്നെക്കൊണ്ട് ആ ഗാനം കഴിഞ്ഞവര്‍ഷം പാടിച്ച് ഗുല്‍മോഹര്‍ എന്ന സിനിമയില്‍ ഉള്‍പ്പെടുത്തിയത്. രവീന്ദ്രനാഥ ടാഗോറിന്റെ ജന്മശതാബ്ദി ആഘോഷത്തോടനുബന്ധിച്ച് ടാഗോറിന്റെ വരികള്‍ മലയാളത്തിലേക്ക് മൊഴിമാറ്റം നടത്തി പത്ത് പ്രശസ്ത ഗായകരെക്കൊണ്ട് പാടിക്കാനുള്ള ഒരു പദ്ധതി ആകാശവാണി തയ്യാറാക്കിയിരുന്നു. അതില്‍ ആദ്യത്തേതാണ് 'ഗീതാഞ്ജലി'യെ അവലംബിച്ച് പി ഭാസ്‌കരന്‍ മാഷ് എഴുതി രാഘവന്‍ മാഷ് സംഗീതം നല്കിയ 'പാടാനോര്‍ത്തൊരു മധുരിതഗാനം......' എന്ന ഗാനം. ഡാഡയുടെ ഏറ്റവും പ്രശസ്തമായ റേഡിയോ ഗാനമായിരുന്നു അത്. പാടൂ പുല്ലാങ്കുഴലേ......., പിയൂഷത
Rewinding to ‘Kerala Saigal’ Staff Reporter Documentary captures the life of Kozhikode Abdul Khader KOZHIKODE: A documentary on singer Kozhikode Abdul Khader, also known as Kerala Saigal, will be screened in early November. The 30-minute work, which unfolds through reminiscences of close associates, will bring out the singer’s persona as well as his musical prowess. Nadim Naushad, director of the documentary, says this is the first documentary on Abdul Khader, whose masterpiece is ‘Engane Nee Marakkum Kuyile’ from ‘Neela Kuyil.’ Along with M.S. Baburaj, Abdul Khader had brought much joy to music lovers in Kozhikode. “I continue to be fascinated by the singer,” says Naushad, a teacher at the Kolathur Government Higher Secondary School. He had earlier directed a documentary on writer P. Valsala. Old visuals of Kozhikode city and charcoal sketches will be intersperse with the reminiscences, to provide a total picture. ‘Thangakinakkal Hridaye Veeshum’ the song in ‘Navalokam,’ for which Dak
സുബൈദ : ആദ്യ ശബ്ദ ചിത്രത്തിലെ നായിക ബോളിവുഡിനു സമ്പന്നമായ ഒരു ഭൂതകാലം ഉണ്ട്. ദാദ സാഹബ് ഫാല്‍കെയില്‍ നിന്ന് തുടങ്ങി ഒട്ടേറെതാരങ്ങളിലൂടെയും സംവിധയകരിലൂടെയുംവളര്‍ന്ന്ഏഴ് പതിറ്റാണ്ടുകള്‍ പിന്നിടുമ്പോള്‍ ബോളിവുഡിനെ രൂപപെടുത്തിയ ആ ഭൂതകാലം ഇപ്പോള്‍ ആരും ഓര്‍ക്കാറില്ല. ഒരുകാലത്ത് നക്ഷത്ര ശോഭയോടെ ജ്വലിച്ചു നില്‍ക്കുകയും പിന്നീടു വിസ്മൃതിയില്‍ ആവുകയും ചെയ്ത വരെ കുറിച്ചുള്ള ഒരു പരമ്പരയാണിത് 1913 ല്‍ ദാദ സാഹബ് ഫാല്‍ക്കെ ‘രാജാ ഹരിശ്ച്ചന്ത്ര’എന്ന തന്റെ ആദ്യചിത്രമെടുക്കുമ്പോള്‍ ഒരുപക്ഷെ ചിന്തിച്ചിരിക്കില്ല സിനിമ ഇത്ര വേഗത്തില്‍ മാറിപ്പോവുമെന്ന്. ആദ്യ സിനിമ പുറത്തുവന്നു പതിനേഴു വര്‍ഷങ്ങള്‍ക്ക് ശേഷം നിശബ്ദ സിനിമകള്‍ ശബ്ദ സിനിമയ്ക്കു വഴിമാറിയപ്പോള്‍ പ്രേഷകന്റെ സ്വപ്നങ്ങള്‍ക്ക് പുതിയ നിറവും ഭാവവും കൈവന്നു. ആദ്യത്തെ ശബ്ദ ചിത്രമായ ആലം ആറ (1930 ) വന്‍ വിജയമായി. പാട്ടും നൃത്തവും സിനിമയുടെ അവിഭാജ്യ ഘടകമായത്  അന്ന് മുതലാണ് അര്‍ദെ ശര്‍ ഇറാനി സംവിധാനം ചെയ്ത ആലം ആറ എല്ലാം കൊണ്ടും വത്യസ്ഥമായ ഒരു ചിത്രമായിരുന്നു. ബോംബയില്‍ നിറഞ്ഞ സദസ്സില്‍ ഓടിയ ചിത്രം. പ്രേഷകനെ ആകര്‍ഷിച്ച കഥ എന്നതായിരുന്നു അതിന